Thursday, January 14, 2010
കേച്ചേരി: വീടിനുള്ളിലേക്ക് വിളിച്ചുകയറ്റി വൃദ്ധയുടെ കൈവിരല്‍ തല്ലിയൊടിച്ച യുവതിയെ പൊലീസ് അറസ്റ്റ് ചെയ്തു. വളപ്പായില്‍ താമസിക്കുന്ന തിരുവനന്തപുരം സ്വദേശിനി തിരുവമ്പാടി വീട്ടില്‍ കേശവന്‍ നമ്പീശന്റെ ഭാര്യ സുജയെയാണ് (40) പേരാമംഗലം എസ്.ഐ എം.ജെ. അഗസ്റ്റി അറസ്റ്റ് ചെയ്തത്. വളപ്പായ കാമ്പുഴവീട്ടില്‍ ചന്ദ്രശേഖരന്റെ ഭാര്യ തങ്കത്തിനാണ് (65) പരിക്കേറ്റത്. കഴിഞ്ഞ ശനിയാഴ്ച രാവിലെ പാല്‍ വാങ്ങാന്‍ നടന്നുപോകുന്നതിനിടെ എനിക്കും കൂടി പാല്‍ വാങ്ങിത്തരുമോയെന്ന ആവശ്യപ്പെട്ട് വിളിച്ചുകയറ്റുകയായിരുന്നുവെന്ന് പറയുന്നു. മുന്‍വൈരാഗ്യമാണ് ആക്രമണത്തിന് പിറകിലെന്ന് പൊലീസ് വ്യക്തമാക്കി. പരിക്കേറ്റ വൃദ്ധ മെഡിക്കല്‍ കോളജ് ആശുപത്രിയില്‍ ചികില്‍സയിലാണ്
No comments:
Post a Comment