തിരുനെല്‍വേലി: ഗുണ്ടകളുടെ ആക്രമണത്തില്‍ മാരകമായി പരിക്കേറ്റ പോലീസ് ഉദ്യോഗസ്ഥന് മന്ത്രിമാര്‍ നോക്കിനില്‍ക്കെ രക്തംവാര്‍ന്ന്‌ മരിച്ചു തമിഴ്‌നാട് തിരുനെല്‍ വേലിയിലിയിലാണ് സംഭവം.
തിരുനെല്‍വേലി സബ് ഇന്‍സ്‌പെക്ടര്‍ വെട്രിവേല്‍ ആണ് മരിച്ചത്. തമിഴ്‌നാട് ആരോഗ്യമന്ത്രി എം ആര്‍ കെ പനീര്‍ശെല്‍വം, സ്‌പോര്‍ട്‌സ് മന്ത്രി ടി പി എം മൊയ്തീന്‍ ഖാന്‍ എന്നിവരാണ് പോലീസ് ഉദ്യോഗസ്ഥന് അടിയന്തിര സഹായം നല്‍കാതെ നോക്കി നിന്നത്.
ബൈക്കില്‍ സഞ്ചരിക്കുകയായിരുന്ന എസ് ഐ വെക്ട്രിവേലിനെ ഒരു സംഘം ഗുണ്ടകള്‍ മാരകമായി ആക്രമിച്ച് പരിക്കേല്‍പിക്കുകയായിരുന്നു. ഇന്‍സ്‌പെക്ടറെ റോഡില്‍ ഉപേക്ഷിച്ച് സംഘം സ്ഥലം വിട്ടു. ഈ സമയത്താണ് ഇതുവഴി രണ്ട് മന്ത്രിമാരുടെയും വാഹന വ്യൂഹം വന്നത്. എന്നാല്‍ പോലീസ് ഉദ്യോഗസ്ഥനെ ഒരു വാഹനത്തിലും ആശുപത്രിയിലെത്തിക്കാന്‍ ആരും തയ്യാറായില്ല. ഒരു ജില്ലാ കലക്ടറും മന്ത്രിമാര്‍ക്കൊപ്പമുണ്ടായിരുന്നു. പിന്നീട് 20 മിനിറ്റുകള്‍ക്ക് ശേഷം പോലീസ് ഉദ്യോഗസ്ഥനെ മന്ത്രിമാരുടെ വാഹന വ്യൂഹത്തിലെ ഒരു കാറില്‍ കയറ്റി ആശുപത്രിയിലെത്തിയപ്പോഴേക്കും രക്തം വാര്‍ന്ന് പോലീസ് ഉദ്യോഗസ്ഥന് മരിച്ചിരുന്നു
http://sirajnews.blogspot.com
No comments:
Post a Comment