ഹൈദരാബാദ്: മൂന്ന് പെണ്‍കുട്ടികള്‍ക്കൊപ്പം കിടക്ക പങ്കിടുന്ന വീഡിയോ പുറത്തുവന്നതിന് പിന്നാലെ ആന്ധ്രാപ്രദേശ് ഗവര്‍ണര്‍ എന്‍.ഡി.തിവാരി രാജിവച്ചു. ആരോഗ്യ കാരണങ്ങളാലാണ് തീരുമാനമെന്ന് രാജിക്കത്തില്‍ വിശദീകരിക്കുന്നു. രാജിക്കത്ത് അദ്ദേഹം രാഷ്ട്രപതി ഭവനിലേക്ക് ഫാക്‌സ് ചെയ്യുകയായിരുന്നു.വിഡിയോ വിവാദമായതിനെ തുടര്‍ന്ന് ബി.ജെ.പി, സി.പി.എം, തെലുങ്കുദേശം പാര്‍ട്ടികള്‍ അദ്ദേഹം ഗവര്‍ണര്‍ സ്ഥാനം രാജിവയ്ക്കണമെന്ന് ആവശ്യപ്പെട്ടിരുന്നു. കോണ്‍ഗ്രസ് നേതൃത്വം ആവശ്യപ്പെട്ടതിനെ തുടര്‍ന്നാണ് രാജിയെന്ന് സൂചനയുണ്ട്.യുവതികള്‍ക്കൊപ്പം താന്‍ കിടക്ക പങ്കിടുന്നതായി ടെലിവിഷന്‍ ചാനല്‍ കാണിച്ച ടേപ്പ് കൃത്രിമമാണെന്ന് തിവാരി പറഞ്ഞിരുന്നു. വെള്ളിയാഴ്ചയാണ് എണ്‍പത്തിയഞ്ചുകാരനായ തിവാരിയുമായി രൂപസാദൃശ്യമുള്ള അര്‍ധനഗ്‌നനായ ഒരാള്‍ പതിനേഴിനും ഇരുപത്തിയഞ്ചിനും ഇടയില്‍ പ്രായം തോന്നിക്കുന്ന നഗ്‌നരായ രണ്ട് യുവതികള്‍ക്കൊപ്പം കിടക്ക പങ്കിടുന്ന ദൃശ്യം എ.ബി.എന്‍. ആന്ധ്രജ്യോതി എന്ന ചാനല്‍ പുറത്തുവിട്ടത്. ഇതില്‍ ഒരു യുവതി ഗര്‍ഭിണിയുമായിരുന്നു
No comments:
Post a Comment