ഫാതേപൂര്‍ സിക്രി: ഇന്ത്യ സന്ദര്‍ശനത്തിനെത്തിയ ഫ്രഞ്ച് പ്രസിഡന്റ് നികോളാസ് സര്‍കോസിയും പ്രഥമ വനിത കാര്‍ല ബ്രൂണിയും ഫാതേപൂര്‍ സിക്രിയിലെ സലിം ചിസ്തി ദര്‍ഗ സന്ദര്‍ശിച്ചു. ആണ്‍കുഞ്ഞിനെ വേണമെന്ന് പ്രാര്‍ത്ഥിച്ചാണ് ഇരുവരും ദര്‍ഗയിലെത്തിയത്.
സലിം ചിസ്തി ദര്‍ഗയില്‍ നഗ്‌നപാതരായ് എത്തിയ ഇരുവരും 20 മിനിറ്റോളം അവിടെ ചിലവഴിച്ചു. സൂഫി സംഗീതവും കേട്ട ശേഷമാണ് മടങ്ങിയത്. ദര്‍ഗയിലെ പ്രധാന പുരോഹിതന്‍ പീര്‍ സാദ റയിസ് മിയാന്‍ ചിസ്തിയും അദ്ദേഹത്തിന്റെ രണ്ടുമക്കളും ചേര്‍ന്നാണ് ഇരുവരെയും സ്വീകരിച്ചത്.
2008 ഫെബ്രുവരിയില്‍ വിവാഹിതരായ ഇവര്‍ക്ക് കുട്ടികളില്ല. മുന്‍ വിവാഹത്തില്‍ സര്‍കോസിക്ക് മൂന്നും കാര്‍ലക്ക് ഒരുമകനുമുണ്ട്.
സന്താന ഭാഗ്യത്തിനായി അക്ബര്‍ ചക്രവര്‍ത്തി ഈ ദര്‍ഗയിലെത്തി പീര്‍ ഷെയ്ക് സലിമിന്റെ അനുഗ്രഹം തേടി. അക്ബറിന് മൂന്ന് മക്കള്‍ ജനിക്കുമെന്ന് അദ്ദേഹം അനുഗ്രഹിച്ചു. അങ്ങനെ അക്ബറിനുണ്ടായ മകനാണ് സലിം എന്ന് പേരിട്ട് പില്‍ക്കാലത്ത് ജഹാംഗീര്‍ ചക്രവര്‍ത്തി ആയത്. ഇതോടെയാണ് ദര്‍ഗ പ്രശസ്തമായത്.
--------------------------------------------------------------------------------
Cortesy : http://www.madhyamam.com/news/22757/101206
No comments:
Post a Comment