എറണാകുളം : ചൊവ്വാഴ്ച അന്തരിച്ച നടനും സംവിധായകനും തിരക്കഥാകൃത്തുമായ കൊച്ചിന്‍ ഹനീഫയുടെ (61) ഖബറടക്കം എറണാകുളം സെന്‍ട്രല്‍ ജുമാമസ്ജിദ് ഖബര്‍സ്ഥാനില്‍ നടന്നു. ഉച്ചമുതല്‍ എറണാകുളം അംബേദ്കര്‍ സ്റ്റേഡിയത്തില്‍ പൊതുദര്‍ശനത്തിന് വെച്ച ശേഷമാണ് മൃതദേഹം ജുമാമസ്ജിദില്‍ എത്തിച്ചത്. സിനിമാപ്രവര്‍ത്തകര്‍, രാഷ്ട്രീയനേതാക്കള്‍ എന്നിവര്‍ക്ക് പുറമേ ആയിരങ്ങള്‍ തങ്ങളുടെ ഇഷ്ടനടനെ അവസാനമായൊന്ന് കാണാന്‍ അംബേദ്കര്‍ സ്റ്റേഡിയത്തിലെത്തി. സര്‍ക്കാരിന്റെ ഔദ്യോഗിക ബഹുമതികളോടെയാണ് സംസ്‌കാരചടങ്ങുകള്‍ നടത്തിയത്. വിവിധ വകുപ്പ് മന്ത്രിമാര്‍, നടന്‍മാരായ മമ്മൂട്ടി, മോഹന്‍ലാല്‍, ജയറാം, ദിലീപ്, സുരേഷ് ഗോപി, ജഗതി ശ്രീകുമാര്‍, തമിഴ് നടന്‍ ശരത്കുമാര്‍, അമ്മ പ്രസിഡന്റ് ഇന്നസെന്റ് എന്നുതുടങ്ങി മലയാളസിനിമാലോകത്തെ മിക്കവാറും താരങ്ങളും സാങ്കേതിക പ്രവര്‍ത്തകരും സംവിധായകരും അന്ത്യോപചാരം അര്‍പ്പിച്ചു.
http://sirajnews.blogspot.com
No comments:
Post a Comment